【環保抗疫】龐景峰買口罩都要環保 $500用到成個月
蘋果日報 2020/03/01 16:24
黃榕口罩龐景峰武漢肺炎
（攝影：仇志德）
邱芷微與男友陳志忠及友人在西營盤開設的演藝學院，今日向市民派發漂白水、口罩和搓手液，出席藝人有龐景峰、黃榕、郭思琳等，合照時，他們擺出拳手勢：「打走啲細菌呀！」
對於全城撲口罩，龐景峰表示聽聞有人兩日用一個口罩，向來注重環保的他，在美國訂購環保口罩，「雖然貴咗啲，但係可以用得耐啲，因為可以換濾芯，佢哋建議250個鐘至270個鐘先換濾芯，價錢係$500有找，買一個口罩送兩個濾芯，都可以用一個月。」他透露在美國有很多朋友，就連外婆也住在三藩市：「婆婆好少出街，所以唔太擔心，不過佢94歲，我擔心佢嘅健康，每年我會一年探佢一次，原本諗住暑假探佢，而家未知點。」黃榕表示不夠口罩，要慳住用，所以選擇做運動增強免疫力，而且少聚餐、少應酬。
提到工作有否受疫情影響？龐景峰表示沒有，「前日先接咗一個維他命廣告，而我喺呢間學校都有教功夫，呢段時間都有繼續上學，學生要消毒對鞋、洗手、戴口罩練功，上完堂，我負責拖地，拍檔負責吸塵，而業主都有減租。」黃榕則指很多工作都要取消，損失了6位數字的收入，她說：「手停口停，冇人接濟我，都係靠積蓄，不嬲都係自己養自己，從未都冇被男人養過。」
採訪：黃曉妍
攝影：仇志德
攝影：仇志德
《果GYM》隨身播 健身壹App過！
邱芷微與男友陳志忠今日向市民派發防疫消毒用品。
龐景峰透露演藝學校生意亦受影響，幸得業主減租。
黃榕表示近期很多工作被取消，損失六位數字收入。
龐景峰、黃榕及郭思琳等，擺出拳手勢，寓意要打走細菌。
郭思琳幫忙派發漂白水、口罩及搓手液等防疫物資。