現年34歲嘅韓劇《大話妹》男星李棟旭早前有份出演人氣綜藝節目《超人回來了》嘅「叔叔特輯」，當中佢要幫手照顧國腳李同國嘅雙胞胎女兒秀雅、雪雅，以及細囝大發。

而節目出街後，似乎李棟旭同大發BB等感情好好，噚日大發媽咪就上載咗多張李棟旭照顧小朋友嘅照片，唔知係之前拍節目時影，定係之後李棟旭再探大發佢哋，只見李棟旭父愛爆棚，一手拖住雙胞胎女兒，一手又抱住大發BB，變身成一個超級爸爸。唔少粉絲都留言話佢哋似足一家人，又話34歲嘅李棟旭喺時候諗下結婚生仔嘅問題了。

另外，今日播出嘅《超人回來了》中，大發就跟住家姐一齊扭住籮由仔大跳選秀綜藝節目《PRODUCE101》嘅主打歌《Pickme》，點知肥嘟嘟嘅大發跳跳下竟然跳到條褲滑咗落嚟，搞到大發BB好尷尬，即刻拉住褲子費時越跌越落，個樣既可憐又可愛。