劉燁而家同法國老婆有一仔一女，又經常喺微博晒仔女相，仲要佢對仔女非常得意，搞到好多網友去劉燁嘅微博都係想睇BB相!

噚晚佢又晒咗上年出世，就嚟1歲嘅囡囡相上微博，不過就係小霓娜3個月大嘅相，佢寫住:「小霓娜，百天的，活脱的小火華呀這是」睇佢輪廓咁深，又真係似足爸爸媽媽!好多網友仲跪求佢哋一家四口全家幅添。

而佢囝囝諾一都好受網友歡迎，搞到劉燁都好「妒忌」囝囝，之前喺微博話:「真心搞不懂，好多朋友留言說來我這裡就是為了看諾一的，他哪點比他爹帥？」其實都係乘機放張囝囝靚仔相之嘛!