劉嘉玲呢輪因為同台灣首富郭台銘傳緋聞,成為中港台風頭人物,噚日《新浪網》轉載《東方早報》報道,話郭生喺上海湖南路附近買咗一間價值4,000萬人民幣嘅獨立洋房送畀嘉玲,呢間豪宅外牆有兩層樓高,用花崗岩造,聽講間屋係由一個台灣商人買咗,唔知係咪因為咁就以為係郭台銘呢?
不過馮仁昭搵人去呢間別墅了解過,間屋座落喺高郵路,𠵱家由一個來自台灣嘅一家四口家庭住緊,聽啲鄰居講,佢哋六、七年前用200萬美金(約1,562萬港元)買咗,一直住到𠵱家,亦冇聽過話嘉玲買咗,不過女主人從事藝術界,平日有唔少名人喺呢度出入。噚日嘉玲經理人公司澤東否認咗送屋嘅報道。