陳慧嫻無緣做心理醫生 可惜

蘋果日報 2004/04/28 08:00


鍾麗緹與方中信主演的《驚心動魄》在下月中上映,該片是由陳達志(Ba叔)投資,他找來不少圈中友好如蘇永康、方力申、李彩樺、黎耀祥、吳家樂和Cookies等客串演出,原本陳慧嫻亦有份客串一角,但她因身體抱恙,最後向Ba叔辭演。

改唱主題曲
陳慧嫻自言覺得有點兒可惜,因為她在戲中是扮演一位心理醫生,她說:「多年嚟都未做過戲,今次佢哋搵我扮演冷酷無情醫生,實在係一個好大嘅挑戰,為咗演好呢個角色,之前我已經買咗好多書用嚟分析心理,只可惜準備一輪都拍唔到,結果要由黎耀祥頂上。」雖然不能演出此片,但慧嫻為了支持此部戲,一早答應唱主題曲。