【靚女係唔同啲】沈卓盈駕車載女神緊張過考牌 倪晨曦婚期在即仍然輕鬆
沈卓盈倪晨曦鄺芷凡
倪晨曦、沈卓盈及鄺芷凡為開電視節目《五星級絲打》擔任主持
倪晨曦、沈卓盈及鄺芷凡為開電視節目《五星級絲打》擔任主持,今日她們到將軍澳舉行記者會。她們走勻港九新界,介紹潮流資料及打卡餐廳,沈卓盈日前更親自駕車到元朗大棠附近拍攝:「我仲緊張過考車,有女神(倪晨曦)喺我隔籬,又有隊crew喺後面。」
問到下月將結婚的倪晨曦,會否擔心拍攝時食得太多增磅?她表示因為做運動,所以沒有增磅,又與兩位姊妹分享瘦身心得。身旁的沈卓盈說:「啱啱先問完佢想瘦某啲位,總之肥嘅地方都想瘦,最好可以將啲肥移晒去想要嘅地方,多啲都得。」
雖然婚期在即,但倪晨曦仍未進入緊張狀態:「都仲有啲時間,自己又好投入工作,所以好放鬆。」人妻沈卓盈分享她的婚禮經驗,告誡對方當日一定要食飽飽:「因為我婚禮嗰日太緊張,由朝早五點幾到凌晨三點,冇一啖水落肚。嗰日又要顧家姐、阿媽、化妝、換衫,想照顧好佢哋先,同埋我意志好強,想要瘦同靚。」她笑謂最後由姨甥煮通粉,她才有食物落肚。
-----------------------------
想知今年愛情事業健康運勢?
十二星座運程指南點擊即睇! -----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇