韓國天團BIGBANG嘅太陽同韓片《陽光姊妹淘》女星閔孝琳拍拖多年，感情好穩定。

閔孝琳近日受訪時就提及男友，對於之前太陽推出新歌《Darling》時，因為歌詞好sad，所以當時就傳出二人分手之說，不過太陽方面已急急否認，而閔孝琳被問到點睇時，佢就話自己都聽過呢個傳聞，但強調同太陽冇分手，覺得只係歌詞。

至於太陽公開指閔孝琳係佢女神時，閔孝琳甜笑話：「佢咁講後，我都被嚇咗一跳，不過都好感激佢。」由於太陽係唔少粉絲嘅偶像，所以閔孝琳直認如果男朋友係圈外人或者演員嘅話，佢可能可以談及更多戀愛事，不過因為男友係偶像，所以佢就要謹慎言行，同時閔孝琳亦晒幸福話太陽能夠賦予佢力量，公開感謝對方。

另外，現時喺日本做緊巡唱嘅BIGBANG，太陽完騷後就喺Instagram上載同勝利嘅合照，仲笑勝利個樣好似一隻馬，令人哭笑不得。
而勝利下周五會到澳門新濠影匯舉行由上海凡頓文化傳媒有限公司主辦嘅《2017 SEUNGRI Birthday Party in Macau》。

更多韓流，喺晒《娛果》
http://fb.com/appledailyent