財爺鬍鬚曾被喊打後，開倉派6,000蚊畀市民，忽然有意外之財，大家都盤算如何花費。青協網上調查發現，有三成八受訪者話唔會用嚟捐錢，三成九人話會捐，反映青少年都好實際，有錢都係自己花好啲。
呢個網上意見調查共有803人參加，九成人年齡介乎18歲至30歲，半數人贊成政府派6,000蚊，四成人反對；72%人反對18歲以下都獲派6,000蚊。至於會如何用呢筆錢，大部份人會用嚟消費或作日常開支，僅四分一人表示會儲起佢，後生仔要及時行樂，呢個結果好合理。
唔少人話會將意外之財捐出，調查發現只有不足四成人咁慷慨，當中三成人最多願意捐600蚊，捐一半3,000蚊有6.2%，捐兩成1,200蚊嘅有5.5%。