食物安全中心早前抽取大閘蟹樣本驗出二噁英，搞到蟹迷人心惶惶，唔少蟹商更因此慘變「大閘蟹」。進出口界立法會議員黃定光(象哥)每年都會搞大閘蟹傳媒飯局，今年唔例外，搵嚟兩位愛將、民建聯周浩鼎同許華傑同枱拆蟹，佢拍心口保證啲蟹完全冇問題，強調係來自洪澤湖而非太湖養殖場。

象哥今屆決定再坐一會，做多四年，咁下屆若然真係交棒，應該由Michael接手嘞？Michael嘅爹哋係前進出口界別議員許長青，同呢個界別好有淵源，象哥亦開到口話喎，Michael日後會幫手處理更多政策事宜，Michael則笑言會逐步走到幕前喎。有記者問到，象哥若然因宣誓被指不符資格而要補選怎麼辦？Michael話，梗係選返象哥，認真識講嘢嘞。