【已認輸！】sp'ACE自認操肌唔夠坤哥勁 開騷望發放正能量
蘋果日報 2019/09/06 22:20
吳業坤sp'ACE
攝影：曹家誠
樂隊sp'ACE傍晚在九龍灣出席「MOOV遊樂場」，開Live跟歌迷傾偈和唱歌，快將在月底開騷的他們表示會當今次是演唱會熱身：「講講吓都好緊張，最近都閉關綵排，一星期有3日都綵到去凌晨。」
提到他們早前稱想彷效吳業坤在演唱會上晒肌，成員周吉佩率先認輸：「學唔成！要睇進度，剝都要有嘢睇先得。坤哥佢操得好勁，如果我斷水、斷食會冇力唱，但着背心係都係有機嘅。」
主音鍾健威則透露經已病倒，和女友黃美棋最近亦各有各忙，周吉佩就笑說：「久唔久開騷有小別勝新婚嘅感覺，同老婆見少咗，反而會多咗新鮮感，但完騷我哋就要交人。」
因應最近的社會氣氛，不少演出都延期或取消，但五子表示擔心不到太多：「唔擔心，要延期都冇辦法，無論點我哋會繼續準備。」又透露會在演出中發放正能量為大家打氣，周吉佩稱：「我哋今次個騷有五大元素，係組成人嘅一生，詳細要暫時賣關子。」
採訪、攝影：曹家誠
於本月底開騷的sp'ACE，現時積極為個唱綵排。