【體壇停擺】退居幕後少有表態 球圈大亂終迫山sir發聲
蘋果日報 2020/09/01 08:00
山度士體壇停擺港超足總五人足球發聲
車路士足球學校(香港)總監山度士指，有球會在疫情選擇棄戰有違體育精神。
山度士退居幕後多年，一直甚少談論本地足球，可是近期球圈大亂，令這位一代名將忍不住發聲。他指出重整發展方向及港超聯是目前最重要的工作，而有球會在疫情選擇棄戰，就有違體育精神。
足總管治不濟，政府續批新五年計劃，以至疫情下復賽也糾纏多時，山度士透露近來有傳媒就這些議題詢問其意見，他也一直未表態，今次也就這些議題表達意見：「香港想爭取打入2034年世界盃？唔係唔得，但點追近越嚟越強嘅對手先？既然短期難追，其實足總應先做好自己，搞好內部先。政府推行鳳凰計劃咁多年，做咗乜呢？」
「搞好球市（港超聯），好似當年將比賽集中喺一、兩個球場，甚至安排雙料娛樂，都係比較有效搞旺球市嘅方法；硬要推主客制，只會令球迷慢慢流失。你點叫伯伯一日趕兩場？尾場喺元朗，睇完場波，返出市區都十點幾，對球迷嚟講，好難，如果集中喺旺角場，就方便到球迷，有助保持球迷入場嘅興趣。」山度士續說。
曾代表港足出戰世盃五人賽的山度士認同要做好五人賽，如認定推動五人足球有助推動本地足運便要增加設施，嘗試向職業方向發展，這是未來較易衝出亞洲的方向。
疫情下，港超復賽與否已糾纏多時，山度士認為在安全及可能情況下應設法復賽：「係咪有得爭冠軍就踢，冇就可以唔踢？咁係冇體育精神，職業球員唔止出糧，仲要喺場上表現自己同爭取獎金，家陣踢又得唔踢又得，真係冇體育精神。」
-----------------------------
《蘋果》英文版免費試睇：了解更多
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！