花生友都去八卦過,得到嘅答案係若然此人唔係發叔,民建聯一定唔等埋,事關發叔嘅本錢,就係喺新界有啲影響力,嚟緊嘅區議會選舉,如果有鄉事派支持,肯定事半功倍,有人話譚耀宗以至葉國謙,為咗幫兄弟保住選票不失,所以都覺得等埋發叔無壞,只不過勢估唔到,等出個大頭佛出來,未得票或者先失票啫。有人仲同花生友講,當日有啲建制派獲悉,發叔好快就到,政府仲派咗一位非政制局嘅政助落去立法會大樓地下等發叔埋位,但發叔卻係遲遲未到,令政府都估計錯誤,真係唔知有人計錯車程、抑或有人隨口噏當秘笈。經一事、長一智,市民今日上街,唔等埋發叔咯。
花生友