昨晨7時許，紫珺與比她大一歲在同一學校讀書的胞姊，由父母陪同下一同離開油麻地渡船角寓所往上學，其間大批記者早已在門外等候，紫珺手拖父親，胞胏則由母親拖住，一家四口約步行了15分返抵加士居道的循道學校。其間紫珺父親向記者說：「已經冇新聞價值啦，件事完咗嘞，𠵱家佢返學，唔好再追訪佢啦。」
紫珺本周一出走經歷20小時的「奇妙之旅」後被尋回，她事後向警方表示是一時貪玩，在停課3日昨日首天返回校園，至下午2時半放學，紫珺及胞姊返回寓所時，母親一早便在電梯大堂等候。紫珺對記者提問一概不回答，母親則說：「佢好大壓力，唔會出嚟同你哋講嘢。」

循道學校校長王國江表示紫珺已經知錯，校方同家人都鼓勵她向受影響人士表示歉意，其間學生輔導主任引導她寫信向同學及師長致歉。不過王校長續稱：「佢原本已經寫咗一封信，但校方認為內容太簡單，所以叫佢再寫過。」
據稱，紫珺親手寫的道歉信內容大致是對自己做錯事表歉疚，希望得到諒解。對於校方要求紫珺重寫道歉信，社工邵家臻笑稱:「道歉信都要重寫嘅咩？」他認為校方對今次事件處理得好好。他表示，校方不應使用道歉信等字眼，書信的名義可改為「給關心我的人，或是我去咗邊度？」
城大青年研究室副總監黃成榮博士稱，不便評論校方要求紫珺重新寫道歉信一事，「如果佢寫咗啲敏感內容令件事更混亂，校方叫佢再寫過其實係幫緊佢。」王校長稱：「校方冇迫佢寫信，佢自己覺得有需要道歉，但又冇勇氣開口講，所以我哋建議佢寫出嚟。」他又指：「相信同事的判斷認為佢有能力寫得更清楚，對佢復原更有幫助。」