華爾街股市隔晚下跌，港股無法乘勢上衝19000點，恒指掉頭回吐61點，報18891，走勢認真麻麻。反而H股指數氣勢仍在，惜受市場情緒所累，升抵7974高位後升幅收窄，收市微升3點。
收市後，星俠在地鐵站巧遇股友Ken青，彼稱近期於旺角某股場「打躉」，發覺近期好多散戶鍾意炒招行（3968），有散戶手持5000股不斷「游水」，出入頻繁。招行近日升勢急勁，昨日一度升逾1元，散戶不知炒得幾開心。Ken青的一手見聞，可知散戶炒股深諳跟紅頂白之道，招行近期升勢強過國壽（2628），後者倒跌0.5%至17.12元收市，令人失望。
中石化（386）及中行（3988）齊齊「染藍」，恒指「國企化」趨勢無法逆轉，散戶今後研判港股未來走勢，再難以傳統智慧去剖析。恒指成份股陸續添入盈利強勁的國企股，「體質」變得更強。