這對孖寶四年多前離開了中國國家隊，毅然來港「搵食」，加入「香港精英運動員」的行列，每年僅得九萬元的資助，另每月有為數不多的津貼。在港期間的生活圈子，總離不開乒乓球、練習及比賽，根本沒有空閒時間去思索終身大事。其中高禮澤間中還會拍「散拖」，但李靜卻坦言談不上識女仔、享受拖手仔的浪漫時刻。當記者問他們可否公開擇偶條件時，兩人均異口同聲表示樂意，絕無半點推搪。
家人催促成家立室
對於乒乓球以外的終身大事，兩位「新星」似乎也急在眉睫。兩人已步向三十歲，經常會被家人追問何時成家立室，對擇偶問題，他們好像早就應對慣，更已想好答案似的，一口氣就說了出來。
現年二十八歲的高禮澤，個子並不高大，但虎背熊腰，眼神充份表現其戇直及果敢的性格，「阿澤」坦言：「曾經拍過幾次散拖，但就未有一個可以令我安下心的。好期望三十五歲前結婚，然後生一大堆仔女。對方嘅職業最好唔係乒乓球界，如果未來女友嘅職業係老師就最好嘞，因為自己打乒乓球，希望伴侶唔係乒乓球界，咁樣可以擴闊視野。」高禮澤更表示隨時都有拍拖的心理準備。他笑道：「我雖然大學畢業，但總覺得文化唔夠好，如果女友係老師，佢嘅文化水準一定唔差，可以感染吓我，提升文化水平。」
「最緊要係合眼緣」
在旁的李靜亦一副急不及待的樣子，搶着說：「我家陣冇拖拍，亦未有對象，希望一切隨緣；但心目中已有『另一半』嘅模樣，最緊要係合眼緣，毋須太漂亮，因為我覺得結婚唔係娶花瓶，而係娶老婆；外表並唔重要，反而心地善良、性格開朗係首要條件。另外我唔介意對方係咪喜歡小朋友，最緊要鍾意我就夠嘞！」現年二十九歲、身高同「阿澤」一樣是一米六六的李靜補充：「我屋企嘅細佬已成家立室、生埋仔，家人畀我嘅壓力唔及屋企得一個男丁嘅阿澤。」談過擇偶條件，原來香港乒壇孖寶對未來太太的要求都有一個相同的地方，就是「唔可以高過我」！