當年今日
關於我們

【李八方online】對話辦「扮對話」 主任人工半年耗170萬

蘋果日報 2020/03/05 12:07

卓永興林卓廷對話辦公室

特區政府去年9月16日,大鑼大鼓宣佈喺政府創新辦下成立「對話辦公室」,並由創科局前常任秘書長卓永興擔任主任,為期半年,工作包括「協調特首提出設立的對話平台,包括由政府籌辦及非政府組織建議的相關活動」。
結果依個「對話辦」仲有大約10日就摺埋,大家除咗見到政府去年9月搞過一次有150名巿民參與的公開「社區對話」後,原本話區選後即會進行的第二場公開「社區對話」,一直唔見影,只見777同三名局長邱騰華、羅致光同黃錦星各自進行「自我隔離」式嘅Facebook直播,而3名局長嘅直播觀看人數,加埋連500人都唔夠。至於政府所謂嘅「閉門深度對話」,究竟搞過幾多次?政府一直無公佈。
雖然政府一直無公佈卓永興嘅薪級,但政策創新與統籌辦事處回覆傳媒查詢時就話,卓永興嘅薪酬係參照首長薪級表第8薪點(D8),埋單計數,半年合約薪酬即係用咗納稅人成170萬元,早前已經被人大鬧政府大花筒。
民主黨議員林卓廷批評,對話辦成立之初,香港人已知道係浪費公帑,因為777最大問題「唔係喺對話,而係唔聽民意」,批評林鄭整依種「扮對話」嘅「對話辦」出嚟整色整水,但對香港人主流訴求,包括反送中運動嘅五大訴求、武漢肺炎爆發後全面封關等全部無視,落區時更只識鬼祟快閃,唔敢堂堂正正面對巿民傳媒,同依個「對話辦」成績一樣,「都係唔見得人」。
-----------------------------
【未敢忘記】03年沙士重溫
立即按此
-----------------------------
無懼警暴 學懂自救
《抗暴之戰●法例須知》讀果 上架
-----------------------------
《果GYM》隨身播  健身壹App過!