王喜昨日於大坑出租場地的新店「Hall」開幕，首次做老闆的王喜，表示新店佔地逾二千呎，他說：「今次三個朋友夾，每人投資六位數，由租舖到裝修都自己搞。」在訪問期間，近日是非纏身的商台首席智囊陳志雲和曾傳出緋聞的梁泰來（Terry）到場，為這位愛將王喜撐場，王喜當然立即上前迎接。
提到昨日是情人節兼元宵，志雲即指自己甚為討厭這個節日：「因為佢會令你記起你冇情人。」他又指前晚本跟梁泰來到餐廳食晚飯，豈料該餐廳推出「情人節前夕晚餐」，令他尷尬不已：「梗係冇食，我同Terry講好快啲走，如果唔係一陣影到我同佢，話我哋食呢個餐，今日有歌手上台宣傳兼派玫瑰，Terry都收到，我勒令佢唔好拎出嚟，如果唔係一陣又詆毀我。」王喜則坦言元宵約了志雲等六人去「滾」，㷫烚烚食火鍋。問到他視志雲為情人還是知己？他說：「佢係『有情人』，亦都係我嘅知己。」

不會主動約李慧玲

另外，陳志雲被追問在電台節目中表示李慧玲出言詆毀他一事，志雲先表示自己未有準備賀禮予王喜，但就表明將來會幫襯對方，不過當大家追問李慧玲事件，陳志雲不欲多談：「今朝喺《晴朗》已講晒，大家可以聽番。」想對方提出甚麼證據？陳志雲依舊說：「講咗喇，唔再講。」擔心此事陸續有來？他說：「唔知，每件事都有唔同發展。」他又指若李慧玲主動找他，他亦不會躲避，但就指不會約對方傾：「佢都需要啲時間。」
採訪：譚倩宜
攝影：葉君海