「我是一根主要用聚再稀製成的即棄膠飲管，由於高溫燃燒會產生有毒物質，本身亦難以分解，需要四百至五百年，因此現在成為十大海洋垃圾之一。

「海洋裡常常碰到我的同類，有些像我一樣破爛，有些已經殘廢，少了一半身體，給其他動物誤以為是食物吃進肚子裡，還有部分同類正躺在臭氣沖天的堆填區。我們數量驚人，特別是現在夏天大家喜歡飲凍飲，如果貪方便一人一支，單是香港一天便浪費700萬根膠飲管，據知道美國每天便扔棄5億根飲管，足以環繞地球2.5周。」——《飲管的遺言》（文章連結：　 http://bit.ly/2FxqJl8　）

去年網上流傳一條，海龜鼻子遭異物阻塞，研究人員拔出「異物」過程中，海龜一直痛苦掙扎、不停流鼻血。被抽出嘅「異物」，竟然是一支塑膠飲管。

塑膠廢料呢個問題，終於獲正視。台灣明年開始大型餐飲業如連鎖快餐店等，堂食將禁止提供塑膠飲管，2025年連外賣都全面限用，民眾要飲管須自費。(詳見： http://bit.ly/2InZxTU )

香港都有市民加入呢個「走塑」行動，今日有網民就分享咗一件「走塑」失敗嘅事。

網民麥先生今日喺facebook嘅專頁「中伏飲食報料區」撰長文，洋洋千字講述華星冰室一單「走塑」行動失敗事件。

據麥先生所講，當時佢嗌飲品嘅時候，有同侍應講唔要飲管，但結果都係照俾，可能係「慣手勢」，侍應百忙中唔記得亦唔出奇。麥先生稱：「店員呈上嚟嘅凍飲，卻如常哋插住一支塑膠飲管，我未有接觸杯嘢同時叫住該店員，第一句就問佢：『可唔可以將呢杯俾咗其他客人先？因為我唔想浪費咗支飲……』話未說完，店員才發現本人曾經有咁嘅要求。

「我邊講佢就邊拎走杯凍檸茶，不消五秒，佢就極速再呈上一杯冇插塑膠飲管嘅凍檸茶，我醒覺到佢可能就咁抽開支塑膠飲管俾返剛才同一杯飲品我，我追問佢點樣處理剛才支飲管？真不敢相信不幸嘅事情竟然發生在我身上，佢竟然答我：『我掉咗。』」

《蘋果》問過呢間冰室嘅老闆彭懷安（Eddie），他稱麥先生都有聯絡佢哋反映意見，Eddie稱：「喺呢件事上面，可能當時嘅時間比較匆忙，或者係慣咗手勢，我哋都會將多啲環保嘅意識畀員工，希望做多一點點、地球會美好多一點點。」仲話自己其實好支持環保，佢話：「我哋好歡迎客人自帶餐具食嘢，或者廚餘都會拎去做飼料。」

Eddie仲話好多謝呢位顧客：「因為依家嘅科技發達，可以將啲問題放上網，等大家可以知多啲，如果係以前，可能要好多時間先可以畀大家知，依家可以好快咁令大家關注呢件事。」

睇埋呢篇：
「環保吸管」救了海龜，卻殺了北極熊
http://bit.ly/2IlGoSx

精選娛聞，喺晒《娛果》
http://fb.com/appledailyent