今年2月與38歲大陸商人Eric Huang結婚的李彩華（Rain），今日到九龍灣出席頒獎禮，新婚後首次公開見傳媒的Rain容光煥發、一臉喜悅，問她為何會突然結婚？她說：「其實我哋識咗好多年，佢當初暗戀我，後來佢知道我分咗手，咁佢就追番我，其實都冇諗過咁突然（結婚），都係上天安排。」而Rain亦表示選在2月2日其實也沒甚麼特別：「冇特定嘅，大家覺得差唔多就結婚，而家仲係新婚，好享受、好開心。」

Rain又透露婚後在大陸拍了一套劇，現已有整個月沒見過老公：「4月又會開另一套，而家靠video call嚟維繫感情，所以都好期待大家工作完後嘅見面。」Rain表示已計劃明年減產，努力造人：「暫時都冇時間造，不過就有計劃下一年，暫時享受吓，因為之前大家都各有各忙，而家想享受二人世界。」問她有沒有被老公投訴工作太忙？她說：「咁又冇，佢都好忙，我哋月底工作完會再見面，Honeymoon都未計劃去邊，到時再見再plan。」

提到4月開拍的新劇，Rain指到時要拍3個月，而拍攝地點在大陸、香港及澳門等地方，至於大陸最近有「限古令」，問到對她是否有影響？她說：「我近期都係開時裝（劇），一切工作如常，會繼續努力。」

另外，Rain今日雖以盛裝打扮到場，不過在她離開期間，因群情洶湧關係，被人踩爛裙。而事後她在微博上載了被踩爛裙的照片，但就寫着：「感謝大家對我的愛戴，不過我的衣服就被你們的熱情給弄破了，但還是灰（非）常感謝你們對我的熱情。」看來心情大好的她，一點也不介意。

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI