曾演出獨立影片《蝴蝶鼬鼠》嘅韓國男星潘英振，噚晚喺韓國京畿道高陽市嘅住宅庭院內，於車廂中燒炭自殺身亡。

警方於昨晚韓國時間11時45分接到鄰居報案，到場時於潘英振嘅車廂內發現其屍體，當時潘英振坐於駕駛席上，而副駕駛席上就放有未燒盡嘅速燃煤。

潘英振生前曾患有抑鬱症，早前亦曾向好友傳送暗示自殺嘅短訊，因此警方初步推斷潘英振係死於自殺。