無可否認共產黨係一個學習能力幾高嘅政權，眼見呢大半年嚟黃絲大打國際戰線，建制陣營亦開始要反攻。就喺今個月初嘅聯合國人權理事會嘅會議上，建制派都派出佢哋嘅人喺會上發言，大家要警惕喇。

呢次代表中共講嘢嘅就係中國聯合國協會理事林琳，無錯，即係民建聯嘅前區議員嗰位林琳。同樣無可否認嘅係，林琳嘅英文水平唔差，難怪會被揀中去聯合國發言。至於佢喺會上嘅發言就冇乜特別，都係批評示威者打住自由名義，暴力攻擊不同政見人士，甚至用火燒不同政見人士，又喺網上公開警員個人資料。佢強調言論自由唔應該成為傷害不同意見人士嘅藉口，佢要譴責暴力云云。

其實睇吓喺武漢肺炎呢件事上，中共嘅現實扭曲力場何等威力，就知道當藍絲都開始打國際戰線時，大家要小心，唔可以鬆懈喇。

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》讀果 上架