【本報訊】今年夏天，這群中學生最渴望長大，因為未夠18歲，今年底區議會選舉、明年立法會選舉不能投票。他們選擇在放學後擺街站，呼籲「夠秤」的香港人登記做選民。17歲Yoanna慨嘆：「如果我有呢票，我會好想用我呢票去做一啲改變。」Zack昨日踏入18歲，他決定「暫緩」慶生，前日在街站派發選民登記表格，「大人對我嚟講，係去認定我做更加多嘅嘢，為香港付出更多」。

Zack和Yoanna是中學生反修例關注組成員，6月9日他們第一次走上街頭遊行。百萬人上街震撼未過，6月12日警察暴力清場、6月16日再出現百萬人遊行，社會逼他們急速成長。

生日願望：林鄭畀我唞吓

前日他們問人借大聲公和摺枱，在港鐵站外擺街站，呼籲途人7月2日前登記做選民。身材嬌小的Yoanna負責嗌咪：「你手上嘅一票係可以改變香港前途，喺立法會踢走令送中條例通過嘅議員！」她指港人應該學到教訓，避免選出盲撐政府的議員，「唔好投建制派囉，要投番啱自己嘅議員」。

Zack稱，年輕一代經歷反送中一役，明白到要關心社會，「你唔嚟搵政治，政治會嚟搵你」。他在學校邀請年滿18歲同學登記做選民，放學後參加集會和擺街站宣傳。昨日是Zack的18歲生日，他指暫時不會慶祝，但答應了留時間與家人吃飯，自己最大生日願望是「林鄭可以畀我唞吓囉」。

16歲阿謙亦在街站派傳單，希望公眾用選票踢走建制派，「就係因為建制派人數多，佢哋先有權力去主宰所有法案嘅通過、議案通過……𠵱家都算香港一個最艱難時期，每一票都係好緊要，我都希望自己有資格去投呢一票」。阿謙指雖然年輕人「未夠秤」投票，但可以在家庭多做一步，「叫你嘅父母登記做選民，咁樣已經足夠，到你真正長大18歲打後，你有能力去做更加前線嘅工作」。
■記者潘柏林