【打盡人情牌】蔣嘉瑩出動囝囝為小師妹助陣 施匡翹新MV晒瑜伽
蘋果日報 2019/09/07 17:10
蔣嘉瑩初心施匡翹
（攝影：曹家誠）
新人施匡翹（Zaina）今日在新蒲崗為單曲《初心》拍攝MV，特別邀請師姐蔣嘉瑩的4歲囝囝Marvis獻出螢幕第一次，擔任MV嘉賓。一身瑜伽服打扮的Zaina和Marvis一齊擺出瑜伽姿勢，她表示自己一向有做瑜伽和跳舞，今次是第一次拍攝MV，所以就希望將自己最拿手的東西獻給歌迷。
Zaina受訪時特別感謝蔣嘉瑩願意帶囝囝出來拍攝，她說：「因為MV故事係講我同男主角由細個到依家嘅比對，所以特別要搵小演員嚟演出。」蔣嘉瑩笑言：「今朝仲搵咗囝囝嘅女朋友仔嚟做Zaina小時候角色，嗰個係囝囝嘅同班同學，第時等佢哋大個可以緬懷返以前拍過MV。」
Zaina表示剛收到新歌時自己正值幼兒教育課程考試：「嗰陣時仲諗緊，死啦要讀書點樣記歌詞？後來我發現將啲歌詞好似寫功課咁寫出嚟，真係令我好容易入腦。」她又指希望新歌及MV可以在今個月內推出。
採訪、攝影：曹家誠
Zaina獲蔣嘉瑩力撐。
蔣嘉瑩將囝囝的首個螢幕演出獻給師妹Zaina。
Zaina教Marvis做瑜伽。
Marvis與Zaina玩個不亦樂乎。