【領養．不棄養】梁詠琪探訪毛孩庇護站 近400隻貓狗「大樹下」有樂園

蘋果日報 2018/03/23 00:00

動物庇護站燕姐梁詠琪GiGi大樹下
    梁詠琪（GiGi）出名是愛狗之人，狗隻更加是陪伴她成長的重要家庭成員，GiGi目前飼養的唐狗女Luna，亦是六年前領養回來。
    日前GiGi就專誠去到位於錦田的「大樹下善待動物庇護站」探訪，七人車甫抵達狗場，於大樹下留宿的近百隻狗仔已用震耳的吠聲歡迎她，其中20幾隻更熱情地從庇護站內跑出來迎接GiGi，當中包括庇護站兩大公關「自來」和「矇矇」，喜歡玩水的「火龍果」，更急不及待欲在GiGi身上打水印，已達18歲高齡的「朱古力」就全程陪伴GiGi到處參觀。
    大樹下的場主以前任職地盤，每次完工眼見有大量狗隻被遺棄，陸續收養，輾轉後選定此地方讓狗兒大樹好遮蔭，現時場內由資深義工燕姐打理，GiGi向燕姐了解後，得悉大樹下目前有達130隻狗及50幾隻貓要照顧，加上其他流浪貓狗，合共要照顧近400隻毛孩，糧食、醫療、保健費，支出每月高達10萬元，數字令人驚訝，GiGi即呼籲樂迷一旦要送禮物給她，倒不如選擇捐錢給大樹下。
    成長路上有犬隻相伴，GiGi說：「希望大家養狗前真係要諗清楚，唔可以衝動，因為真係一條生命交喺你手，時間可能係有20年，所以要諗清楚自己有冇咁嘅能力照顧，亦唔好因為狗年就去買狗。」
    GiGi目前飼養的狗女Luna，是她與老公六年前領養回來，GiGi表示，15年懷孕初期，為了兩個「囡囡」可以相處融洽，特意和老公報讀課程，希望學懂訓練愛犬。GiGi稱：「我想佢能融入家中，成為一家人，所以去上堂，學習BB點樣同狗仔相處，過程其實好有趣，亦係一門好高深嘅學問。o依家阿女同隻狗相處得好好，互相陪伴，阿女食飯佢會坐定定陪，狗狗一定係我哋家庭成員之一，我哋去到邊都盡量帶埋佢一齊去玩。」
    採訪：王連連
    Hair：Nick Lam
    Make up：Andy Leung
    empty
    攝影：仇志德、攝錄：廖達燊
    empty
    梁詠琪去到錦田「大樹下善待動物庇護站」探訪，一落車好多毛孩出嚟迎接。
    empty
    empty
    梁詠琪手口並用打招呼。
    empty
    empty
    即場派狗零食。
    empty
    喜歡玩水的「火龍果」急不及待欲在GiGi身上打水印。
    empty
    庇護站合共要照顧近400隻毛孩，每月支出高達10萬元。
    empty
    GiGi喺狗場見到一隻同自己狗女Luna好似樣嘅狗狗。
    empty
    GiGi聽燕姐（左一）講咗好多流浪貓狗嘅故事。
    empty
    empty
    GiGi同老公六年前收養咗隻唐狗女Luna，為咗囡囡Sofia同狗狗相處融洽，專登去過上堂。
    empty