當年今日
關於我們

【6.22公投】689話投票冇法律效力 小菌:呢個特首夠唔係我選啦!

蘋果日報 2014/06/22 06:00

龍小菌理大公投

今日26歲生日嘅龍小菌帶埋約30歌迷到理大實體票站投票,佢話投票原因好多:「一來言論自由,二來係新東北問題,吳亮星(立法會財委會主席)言論亦都好犀利,令到香港人團結一齊,故應該好多謝佢。」

問小菌稍後仲有乜嘢行動支持普選?佢就話未有時間表:「同埋佔中呢件事好似變咗質咁,所以都係咁樣投票發聲先。」而較早前小菌亦因為咁,故拒絕獻聲唱《問誰未發聲》。

談到由小圈子欽點選舉中獲689票「中選」嘅特首梁振英話今次投票冇法律效力,小菌即笑道:「呢個特首都唔係我選出,我都冇認可呢個特首。之前睇過篇文章話,如果冇路行,行下就有路,香港就係正處於此情況。」

最後小菌話:「真係希望有一日見到一人一票選特首,而我嘅生日願望,就係真係會有真普選。」