該民主派中人稱近日到深水埗、旺角一帶拜年，發現區內街頭、店舖全貼滿鄭泳舜橫額、海報及宣傳單張，「姚松炎宣傳品就真係冇乜見到」；他又聽聞民建聯及旗下組織也利用農曆年假搞活動的機會，全力為鄭箍票，「啲互委會、街坊會、業委會可以話空群而出，喺唔同場合同鄭泳舜拉票」。雖然他知道姚也有在農曆年假期間落區宣傳，但他認為姚單靠街站、社區許願板等活動，始終難動員到民主派支持者，「可能自決派覺得我哋老套，民主派過去一直靠洗樓拉票，講民主之外，亦要講地區民生議題」。
另一名民主派人士稱，不論是姚松炎還是區諾軒，他們背後團隊均是一班年輕自決派人士，「佢哋搞選舉方式同主流民主派好唔同」，若在正常大選，由於採用比例代表制，只要他們有一定比例得票就可以穩取一席，但今次補選是變相單議席單票，「佢哋要贏，唔只要爭取原有支持者投票，連上次大選冇投自決派嘅民主派選民，都要一併爭取埋」，但他憂慮在目前冷淡選舉氣氛下，究竟能否動員民主黨、公民黨、工黨、甚至民協支持者出來投他們一票，「如果一班傳統民主派選民唔肯出嚟投票，單靠自決派嘅票一定唔夠贏」。
季陶
周一、三、五刊出