大摩谷草出馬貴精不貴多，周三晚賽事只派出「舞林高手」同「贏得」上陣，不過兩駒各具分量。講開「舞林高手」，大摩好幽默咁話百思不得其解，點解呢匹馬咁黑仔，成日排外檔，原本好有信心可以贏馬，可惜今次排10檔，始終比較蝕底，大摩認為要贏有一定難度，但要爭取位置應該noproblem。
大摩又講笑咁講，「贏得」令佢跌眼鏡，因為馬兒來港初期表現平平，一度擔心係五班貨色，怎料今季越跑越好，已在二班入Ｑ，雖然近兩戰響見習生呂卓賢胯下都搏輸少少得第二，唔少人鬧賢仔，但大摩力撐佢依足策騎指示，沒有騎錯，所以今次唔換人，希望轉跑谷草對手弱些，可以補中。