比特幣發癲式狂炒，分分鐘為各地政府，帶來多一個打擊犯罪集團嘅理由！保加利亞今年5月，破獲一個有組織犯罪集團，充公21.35萬個比特幣贓款。

呢批比特幣，喺今年5月時，值5億美元（39億港元）。隨住呢半年比特幣狂飆6倍，最新呢批比特幣價值，已達33億美元（258億港元），相當於保加利亞國債近四分一。

保加利亞與東南歐執法機構聯合行動，今年5月，破獲一個大型犯罪網絡，拘捕23名保加利亞籍人士。有關犯罪集團透過賄賂海關職員，於政府系統發放病毒，以入侵海關網絡，令犯罪集團可輕易逃稅。當局當時解釋，犯罪集團選擇以比特幣交收，主要由於比特幣難以被追蹤。

蘋果財經，關心你飯碗
http://fb.com/appledailyatm