愛上玩cosplay嘅工聯會黃國健KK，為咗選舉成日扮鬼扮馬，今個月初就化身火影忍者，手執獨門暗器喺街頭拉票。勢估唔到因此闖出「名堂」，連維基網站都話KK係「香港著名cosplayer，曾扮成火影忍者」，睇嚟佢有成為cosplay代言人嘅潛質，仲可以順便開拓埋cosplayer嘅票源。
KK呢鋪cosplay癮真係唔細，事關佢喺08年九東選舉中，已經扮過黑衣武松打老虎抗通脹，之後仲扮埋呂奇。舊年新年亦扮財神，坐開篷花車四圍拜年。工聯會早前嘅誓師大會上，佢就扮埋船長。
若果成功冧莊，佢會唔會喺立法會扮紅衞兵？