林峯之前高調同女友吳千語BB三度外遊,Sweet到爆,0岩0岩米蘭返港嘅佢,之前做埋跟得男友陪女友唱K,林峯今日終於復工,喺新港城出席簽唱會,心情大靚嘅佢全程甜笑。吳千語之前叫林峯做「阿文」(林峯原名叫林匯文),林峯話平時屋企人係咁叫佢,咁即係視女友係屋企人囉?林峯笑住點頭,仲話呢幾次旅行好開心。
另外,曾有遲到紀錄嘅林峯,今日好準時出現,佢話自己一路改進緊,咁係咪受女友影響呢?林峯話互相影響,至於係咪視女友為結婚對象?佢即話一定好認真,咦﹗唔通真係好事近?
不過問到今次同女友係咪同房瞓、怕唔怕搞出「人命」﹑同埋係咪豪使50萬?林峯就滿頭大汗話私人嘢唔講喇,又話大家正常男女朋友相處一樣,唔使大驚小怪喎﹗