【本報訊】「你個孫做咗擔保人，家欠我20萬，唔還就打死佢！」沙田美松苑一對老夫婦前日接獲陌生人電話，聲稱孫兒欠債，聽筒還傳來被毆打的呼救聲，幸醒目老翁認出並非孫兒，更向騙徒直言：「就算係我個孫，我都冇20萬」表明要報警；騙徒事敗匆匆掛線。事主昨日向警方舉報，由警方跟進調查。

「你個孫欠我哋錢」

現場是美松苑麗松閣一個單位，戶主夫婦三代同堂。消息稱，前日下午，姓黃（76歲）女戶主在住所內接到匿名電話，聽筒首先傳來被毆打的慘叫聲：「哎吔……好痛呀！」然後求救說：「婆婆救我呀！我俾人打呀！」女戶主嚇得六神無主，將電話遞給陳姓（77歲）丈夫接聽。
此時，電話另一邊響起說：「你個孫做咗擔保人，債仔走佬，家你個孫欠我哋20萬，快啲還錢，唔係打死佢呀！」隨即又再傳來被毆打的慘叫聲。
不過醒目老翁處變不驚，懷疑呼救者並非孫兒，更直言：「就算係我個孫，我都冇20萬」，並表明要報警，騙徒見事敗即時掛線；稍後夫婦聯絡到孫兒，證實他安然無恙，懷疑是電話騙徒作案，商量後於昨晨10時致電報警。