當年今日
關於我們
中環在線:北角油街倉庫猛鬼
旁邊曾建「永別亭」擺放死屍 - 李華華
蘋果日報 2011/06/26 00:00
嚟緊政府會掟幾幅地出嚟招標或拍賣,其中猛料啲嗰幅,應該係初步估值逾80億嘅北角地王油街前政府物料倉庫(圖)。幅地將會喺下個月15號招標,好多人唔知,呢幅地除咗個價猛,仲有另一樣猛─就係猛鬼!
前政府物料倉庫喺98年開始空置,呢處之所以咁多鬼古,係因為當年「永別亭」就建喺物料倉庫旁邊。所謂永別亭,就係擺放屍體嘅地方,即係「停屍間」。
親朋戚友陪死者遊街
有前輩同華華講,當年如果有人過身,成棚親朋戚友會陪同過身嘅人遊街,終點就係永別亭。呢度有個碼頭泊咗船,如果先人要葬喺和合石,或者運返鄉下安葬,就會喺呢度落船。除咗先人嘅直系親屬會跟埋上船,其他親朋送到呢度就止步同先人永別,亦因為咁,令嗰度怨氣好重。
至於喺呢度引發嘅鬼古邊個最堅?華華聽過好多,唔少都令人毛管戙,為咗唔好令讀者不安,所以唔喺呢度講。不過,華華聽聞,唔少八卦之流高度關注油街地王新主人,會唔會搞啲儀式化解怨氣。
李華華
mailto:
[email protected]