郭藹明和菊梓喬（Hana）今日在圓方出席護膚品牌宣傳活動，郭藹明與老公劉青雲公認是圈中恩愛夫妻，她閒來除了和老公二人世界出動， 甚少在公開場合露面，每逢現身風采依然。

郭藹明稱已很長時間沒有見大家，多是被拍到在九龍城街巿出入，只因她近期愛上廚藝，在家中煮飯鑽研食譜，老公青雲樂做白老鼠，有讚有彈：「佢對飲食都奄尖，會老實講自己口味，唔好食真係會話你聽，會好老實解釋等我有所進步同接受。」郭藹明對老公口味雖然熟悉，但要做到一百分仍要學習，並說：「 佢食嘢有獨特口味，食麵偏硬 ，試過用計時器去煮麵，多咗一至三秒，佢就話淋咗，好犀利食神嚟，佢好鍾意食嘢，就算出街食都有要求。」

平日郭藹明下廚居多，但青雲亦有絕招冧太太，她說：「佢煮牛扒最拿手，好好味，暫時獨孤一味，以前煮公仔麵都好叻，但牛扒就超越唔到佢，好精準，畀佢發揮下佢會好開心。」但近日青雲忙開拍電影《拆彈專家2》，郭藹明可稍作休息，但不會帶飯前往探班，並笑言：「佢話唔好阻住佢拆彈。」

青雲開工，郭藹明爭取時間扮靚工作，又稱讚老公現時好乖，學會保養用護膚品，拍拖初期仍會互相幫大家敷面膜，郭藹明笑說：「而家唔會，冇咁好耐性瞓喺度畀我慢慢搞，佢唔信我，驚我整佢，我有時會試唔同產品，佢就唔鍾意亂試，又點會瞓低任我舞。」

4月2日 10am-11pm 即玩《MINI GAME大挑戰》
隨時贏價值$80海天堂龜苓膏及龜苓膏特飲
https://bit.ly/2WigzsG

-----------------------------
《RubberBand X 動腦Q》QQ地微唱會
4月2日 10:30PM
手機直播 只玩一場 (30分鐘加長版)
蘋果動新聞會員限定 立即登記
https://hk.adai.ly/C2Lj283bqV