黃皮剛上市

蘋果日報 2002/06/17 00:00


端午節期間,一定食咗唔少糭呢,糭因為用糯米所做,食少少都會覺得飽滯,除咗飲啲熱茶或食水果以幫助消化。最近黃皮剛上市,佢酸酸甜甜嘅味道除咗啱我口味之外,重係作為飯後幫助消化嘅好幫手,食過黃皮後齒頰都留香,痰多咳嗽嘅老人家,多食黃皮亦有助化痰止咳,正氣十足㗎!
水瓜清甜多汁 水瓜表皮粗嚡,色深綠,有啲似勝瓜,喺夏天盛產,主要嚟自大陸,多數用嚟滾湯,清甜多汁,間唔中我都會將佢切粗絲配肉碎、蝦米等煮,仔女就比較鍾意。水瓜亦來貨唔多,但售價穩定。水瓜水分足,除咗有消暑清熱功效外,痰多亦不妨多食水瓜,唔錯㗎。
文:肥師奶