【04時22分消息】政務司司長林鄭月娥宣佈擱置對話當晚，市民Carol已決定通宵留守金鐘，「佢真係好冇誠意，佢覺得大家走喇，都冇籌碼喺度，我就唔同你哋傾喇，我同幾個朋友都覺得好過份，所以決定喺度瞓」。瞓街的朋友當中，有做零售也有空姐，「佢好犀利，飛完overnight（通宵）都要過嚟瞓，佢話唔怕唔舒服，喺嗰度（金鐘）瞓得心安理得啲」。

首次瞓街，沒有帳篷，只有沙灘蓆加薄墊，石屎地雖硬，但也不及捱凍難受，「兩個人一張被，發覺真係好唔夠，我哋成日凍醒，成晚都瞓得唔好」。昨晚第二次瞓街，她多帶一件棉褸禦寒。她在立法會附近紮營，周圍人數較前晚多，「真係好多人，好熱鬧，即使有人傾計，都係細細聲」。早上6時多便醒來，附近廁所備有牙刷、牙膏、洗臉液甚至沖洗隱形眼鏡藥水，也讓她們安心。

「之前我冇留守，而我家覺得可以做多少少，如果可以留守就留守」。Carol坦言，平日周一至周四佔鐘人數較少，但多得林鄭一番言論刺激更多人出來，「我覺得有咁多人就睇到大家嘅決心」。

【雨傘革命】 http://umbrella.appledaily.com