【迫婚不遂】30歲高海寧嬲爆搬離愛巢 鄧智偉:大家相處一直好開心
高海寧鄧智偉
【新增回應】
30歲高海寧(高Ling)近年喺公仔箱,多咗演出機會,早前喺《不懂撒嬌的女人》演好有機心嘅田蜜,令大家睇得好肉緊,演技算係進步咗啲,事業ok,感情都想有著落,現年30歲嘅高Ling亦心急結婚同恨生B!
話晒佢同音樂人鄧智偉拍拖4年,雖然二人冇公開戀情,不過圈中好友個個都知,今日有周刊指,高Ling同鄧智偉上月喺朋友聚會,當時一班友人就起哄叫佢哋結婚,叫鄧智偉即場求婚,不過鄧智偉拒絕咗,搞到笑晒嘅高Ling好尷尬,高Ling仲有啲唔開心,由馬鞍山愛巢,搬咗返旺角屋企,更有指高Ling同友人講男友根本唔想結婚。
而高Ling早前亦講明想35歲前結婚,又話想生小朋友,唔想做高齡產婦,又講埋要預時間生兩個B(新聞連結: http://bit.ly/2rtVlgc )。
講到疑似迫婚一事,鄧智偉接受傳媒訪問時,否認真有其事,佢話:「迫婚其實真係笑料一單,完全冇咁嘅事,講真佢條件咁好,邊使迫婚啊!大家相處一直好開心,並冇不快事,亦冇文中所述嘅飯局,所以,謝謝關心啦!」