當年今日
關於我們
鄧成波減持天次樓
蘋果日報 2005/09/26 00:00
近期唔少投資者陸續出貨,好似投資老手鄧成波,舊年底以四千三百八十萬,買咗八個何文田天次樓單位,原本話想買埋剩低四個,之後全幢重新搞過,但係佢近日將其中兩件各以千五萬沽出,重打算賣多兩個,只會保留四個自用。
若果佢再以差唔多嘅價錢沽多兩伙,合共可以收番五、六千萬,多過入齊八個單位嘅成本。不過,佢咁出貨,亦都意味原本重新搞過幢樓嘅計劃已經改變。
促成呢兩單交易嘅都係中原,佢哋家吓嘅心願,就係做埋另外嗰兩單生意。