壓軸韓片《與神同行》本周一喺韓國舉行首映禮，導演金容華率領五位演員接受訪問，繼金容華、車太鉉及金東旭受訪後，喺片中同樣飾演地獄使者嘅河正宇、朱智勛及金香起亦輪住受訪。

記者：記　　河正宇：河　　朱智勛：朱　　金香起：金

記：拍攝前有看過原著漫畫嗎？覺得適合地獄使者角色嗎？
河：當然係覺得自己適合角色，先接拍呢部戲。選擇劇本時，如覺得角色有一半適合自己，我便會參演；餘下嘅一半就會喺準備過程中不斷努力揣摩。

記：今年已有《鬼怪》李棟旭、《Black》宋承憲等人演過地獄使者，有看佢哋演出嗎？
河：冇睇過佢哋嘅演出呢。不過就是睇咗25年或30年前嘅《傳說的故鄉》同埋一啲電視節目特輯，都係呢類題材。

記：與前輩河正宇合作是否緊張？事前要做定甚麼準備？
朱：完全唔緊張，因為佢經常講笑搞氣氛，而且好難預計佢搞笑嘅timing，我覺得佢嘅集中力好厲害。

記：作為童星出身，對住咁多前輩會否有壓力？哪位最照顧你？
金：唔會覺得有壓力，初時會好擔心，因為始終我年紀最小，的確曾經覺得很困難，拍攝初期很緊張，但慢慢便紓緩了。現場氣氛亦好愉快，台前幕後嘅人員都好照顧我，例如髮型化妝人員同埋我身旁嘅朱智勛叔叔。

記：亞洲觀眾認識你係因為《宮》，有來香港見粉絲計劃嗎？
朱：冬蔭功？哈哈！你說的是工作上會否到香港吧？工作上未有機會到香港，我也好感謝粉絲對《宮》嘅支持。將來也希望能再拍一些令粉絲們喜愛嘅影視作品。

記：呢部電影有大量CG，拍攝時會覺得困難嗎？
河：拍攝時只喺綠幕前演戲，當然會比喺實際空間演出難，真實空間散發嘅存在感，有一半以上要靠想像來填補。因為這部份只能單靠想像，所以的確很難。拍攝時我們亦會和其他演員一起仔細交流，亦會和導演一起討論。

記：網民說你長得像D.O.，你覺得自己似嗎？
金：嗯，多謝

記：拍攝日程忙碌，會擔心影響學業嗎？
金：我一直也有返學，而我讀嘅學校也不是專門嘅藝術學校，而係我哥哥也正在就讀嘅一般學校。學業上也沒有什麼問題，父母也希望我享受校園生活，和同學相處愉快，所以我也很喜歡返學。

更多韓流，喺晒《娛果》
http://fb.com/appledailyent