當年今日
關於我們

【李八方online】與藍絲大叔當街圍罵陳太 中環腸胃肝臟科醫生直認「講心聲」

蘋果日報 2019/09/10 16:42

陳方安生逃犯條例反送中逆權運動林子雲

網上早前流傳一段片段,一名語帶鄉音嘅大漢突然喺灣仔街頭舉住個「賣港求榮」紙牌,不斷用粗口鬧等緊的士嘅前政務司司長陳方安生,其間更指控陳太「董生(前特首董建華)跛腳都係你搞嘅!」,不滿陳太「勾結外國出賣香港」。藍絲情緒失控畫面,大家見慣不怪,但奇就奇在,有政界中人發現,連腸胃肝臟科醫生林子雲都喺呢條狙擊短片中現身,有份出口鬧陳太。由於林醫生同時係馬主,所以喺馬圈都有唔少人竊竊私語,想知佢到底搞邊科?
診所位於中環嘅林子雲醫生,根據網上資料顯示,係1979年港大內外全科醫學士,據知年約60多歲,亦係馬主。根據網上當日嘅狙擊片段,林醫生喺呢位藍絲大漢鬧陳太其間上前「加把口」,片中林醫生同陳太講:「佢﹙陳太﹚都唔係人,方心讓﹙著名骨科醫生、陳太四叔﹚好好架,你真係唔應該咁,我同Harry Fan﹙方心讓﹚係同學」。當陳太問林醫生,佢到底做錯咗乜時?片中嘅林醫生就話:「你唔應該去美國」,又同陳太講:「你和理非唔同啲暴力切割,已經唔啱!」
雖然就連盛傳同中聯辦關係密切嘅網媒《點新聞》,早前都報道過短片中有市民斥陳太:「你都唔係人,方心讓好好架」呢一句,仲出埋字幕,但八方搵林醫生求證點解當日點解咁激動時,林醫生只承認係片中出現,但否認自己講過陳太「唔係人」,佢強調當時無鬧過陳太,解釋當日自己純粹係同細佬喺附近食完飯,見到陳太喺前面時有啲「忍唔住」,結果上前同陳太講出自己嘅「心聲」,重申當時同喺自己身邊用粗口鬧陳太嘅大漢,完全唔識亦無關係,亦覺得對方咁樣鬧陳太唔應該。有片都唔係有真相?似乎已經變成香港嘅風土病咯。
-----------------------------
9.13香港之路暨齊慶中秋夜
日期:2019年9月13日
時間:晚上7時半集合;晚上8時起牽手築人鏈
地點:各區公園、遊樂設施
參加者可叫「五大訴求 缺一不可」、「光復香港 時代革命」、「我要真普選」、「平反721、831」等口號,向國際社會展示港人打不死的精神。
-----------------------------
9.15民陣遊行
日期:2019年9月15日
時間:下午3時起步
起點:銅鑼灣東角道
終點:遮打道行人專用區
-----------------------------
【撐學生】
召集有心人 撐學生全年睇《蘋果》
立即按此