本港牙科服務不足，市民往往要到私家牙科診所求醫，惟一眾貧弱長者，實難以負擔這筆額外支出。蘋果日報慈善基金早前通過撥款二十四萬一千六百五十元，資助鄰舍輔導會推行「護老愛『齒』大行動」計劃，為深水埗區貧弱長者安排洗牙、脫牙及補牙服務，預計三百人受惠。

日前，七十一歲的鄭婆婆獲安排接受口腔檢查及牙齒治療，她近月飽受牙患痛楚，惟沒有餘錢支付治療牙齒費用，她歎道：「去政府診所睇牙、剝牙要輪候攞籌，又冇得補牙；去私家剝隻牙都要幾百蚊，邊負擔得嚟！今日好多謝蘋果日報贊助長者免費睇牙，等我唔使再捱牙痛。」

「剝咗爛牙冇晒煩惱」
鄭婆婆接受牙齒診治後，喜孜孜地對記者說：「醫生先幫我洗牙，跟住剝咗啲爛牙，𠵱家唔再覺得牙痛，冇晒煩惱喇！」
鄭婆婆與七十六歲的丈夫靠綜援金過活，四名子女均居於內地，他們各有家庭負擔。
另一位受惠長者朱伯，六十六歲，獨居的他現從事看更散工，收入微薄。
朱伯娓娓道來：「我十幾年冇睇過牙，頭先醫生話我啲牙幾好，我就可以放心。」
蘋果基金早前通過撥款二十四萬餘元，資助鄰舍輔導會深水埗康齡社區服務中心推行「護老愛『齒』大行動」計劃，為深水埗區六十歲以上貧窮長者洗牙、脫牙、補牙及安裝假牙，另透過講座及展覽，向區內長者講解護理牙齒及口腔方法，以減少牙患痛楚。該計劃於今年八月至二○○五年三月進行，預計約三百名長者受惠。