當年今日

一哥點心瑤柱燒鴨裹蒸糭

蘋果日報 2002/06/10 00:00


糭係端午節應節食品之一,市面推出嘅糭品種更加係多元化,計我肥師話唔識包糭其實買現成貨都係一個好方法。
我今次要介紹嘅係呢款一哥點心瑤柱燒鴨裹蒸糭,連我嘴刁嘅老公都話好食,重話啲餡夠多,除咗糯米、豬肉、鹹蛋成份之外,重食到有綠豆、花生、紅豆等,十零蚊隻足夠兩人食用都抵啦!

文:肥師奶
桂味味較清
我曾經講過今年荔枝好抵食,應該無介紹錯啦!對上一次同大家介紹過妃子笑,接住嚟緊嘅有桂味,剛上市無耐喳。桂味質素僅次於糯米糍之下,但價錢較經濟,今年更加係抵食嘅一年,平均每磅平咗一成半。
我肥師奶鍾意桂味多過糯米糍,除咗價錢經濟啲之外,另一因素係貪佢食味比較清。桂味果實大小適中、果形圓而帶有略尖嘅鱗狀,摸落有啲拮手,咪搞錯呀!