有外傭患上癌症，其後遭到僱主即時解僱，然而良心僱主仍未絕迹，E（化名）家中聘有一名已在他們家工作6年的外傭，去年8月獲續約，未料到1個月後該名外傭被確診患有第二期乳癌，「當時佢話胸部有好大粒嘅瘤，好似乒乓波咁大，我哋覺得唔多妥，於是就搵私家醫生檢查咗先。」

檢查完畢，結果被診斷出為第二期乳癌，E立刻為該名外傭安排到政府的公立醫院做切除手術，手術完成之後，又要面對一連串的化療及電療，在這數個月間，E的外傭都處於無法工作的狀態，「我哋屋企有3個小朋友，其實都需要有人幫手，本身一直都有請開2個工人姐姐，咁呢個出咗事，惟有（靠）另一個幫手。」

E憶述患病的外傭是他們家裏第一個聘請回來的人，「由我大仔出世之後就請，佢都好錫啲小朋友。」外傭患病後，E也尋求過不同方面的意見，從勞工處到入境處，最後他們一家決定和外傭商量，「我哋有同佢傾，到底佢想返去醫病，定係留喺香港醫病？咁最後佢想留喺香港醫，都會幫佢安排。」

有僱主因外傭患癌而即時解僱，也有些僱主會趁病假後以其他理由解僱外傭，「我知佢屋企有困難，咁一個人嚟到香港又有cancer都慘，如果唔畀佢留喺香港醫，好似推佢去死咁，我又做唔出。」由於合約上列明僱主須為外傭在受僱期間的醫療支出負責，故生病期間的醫療費用都由E一家承擔，E有替外傭購買醫療保險，故可向保險公司索償，「cover到一部份啦，唔係全部。」

E預計外傭的電療將於4月完成，之後去留會待其身體狀況恢復再進行溝通，「雖然依家咁樣對我哋都係比較吃力，始終唔係咩富裕家庭，不過之後都會等佢身體情況OK，再同佢傾到底想留喺度繼續工作，定係想返番去自己嘅國家，會溝通咗先。」

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef