【午市急CALL】股領袖、唐牛拆解科技股假散水之謎

蘋果日報 2020/09/08 12:29

午市急CALL唐牛股領袖

股領袖、唐牛睇好ATMX長線價值，過去喺《午市急CALL》不時話可以低位吸納強勢股，本來阿里巴巴（9988）、美團（3690）已邁向300蚊大關，小米（1810）染藍前更加係氣勢如虹，不過，撞正由Tesla、蘋果、Zoom等科技股引發的小股災，ATMX周五一度回調半成過外，最終總算跌幅收窄，小米更加倒升2%收市。

市場有人話科技股估值太高，而家出現技術性回調，亦有人話資金已流向大落後嘅舊經濟股，今次科技股係咪「真散水」？抑或只係震倉後再挾上去？

想知道獨立股評人股領袖Tony及蘋果專欄作家唐牛嘅睇法，就要留意星期二《午市急CALL》，佢哋會同大家逐一分析，仲會即場分享本周心水股！

若有跟進上星期古天后和唐牛嘅「急CALL推介」，應該有唔錯斬獲。古天后上周二推介海吉亞醫療（6078），目標價50元，以周二收市價44.75元計，周一高位53.9元計，一星期輕鬆賺兩成，最終收報50.3元；而唐牛上周推介的九毛九（9922），目標價20元，以周二收市價17.42元計，周一亦一度衝高至19.9元，升幅有接近15%，最終收報17.26元。

如果有股票問題，由現在起至周二下午11時前，可WhatsApp去呢個電話號碼：6398-9469進行簡單登記，節目播出時，就有機會Phone-in直接問專家！又或者大家可以喺直播時透過Youtube、Facebook留言，我哋會逐一解答。