鄭希怡（Yumiko）日前在多倫多直播節目中不幸露點，其師姐容祖兒曾揚言可能攝影師不清楚「點解會有兩撻咁嘅嘢」，惹來極大迴響。
前晚祖兒與Twins到將軍澳電視城錄影節目《勁歌金曲》，被問到是否暗寸Yumiko時，祖兒竟推得一亁二淨，又反口說：「唔知啲人係咪理解能力有問題，我有打畀Yumiko，最開心係佢明白我講乜。」
Twins則興高采烈談防走光之道，阿嬌說：「錯不在佢（指Yumiko），係新助手唔夠經驗，下次要自己小心。」鍾欣桐自稱打底王，而蔡卓妍則說：「我哋用隻雙面膠紙好勁，平時啲普通膠紙黐落去，黐爛晒啲肉，呢隻就好勁，有需要可以call我哋。」
採訪、攝影：楊潔雯、馬建華、林德雄

狂迷小八卦：唱情歌食檸檬

Twins昨日為朗豪坊麥當勞擔任揭幕嘉賓，雖然現場鼓聲雷動，都敵不過鍾欣桐（阿嬌）的「非嬌不嫁」內地男fans，他先唱完情歌，又獻上狀似炸彈的庶花。面對瘋狂fans示愛，阿嬌毫不留情耍手說：「唔好等，我唔會嫁你。」而蔡卓妍（阿Sa）則認為fans支持偶像時都要顧及形象，其實該fans昨早已送香蕉、木瓜及湯到英皇，阿Sa笑指木瓜可能給她以形補形。