韓國男團SHINee嘅27歲隊長溫流，今年8月被爆涉喺夜店非禮一名女性，雖然事後雙方解除誤會，女方提出撤訴申請，溫流所屬嘅SM事務所就發聲明表示「溫流就今次是故向大家道歉，並對事件反省」(相關新聞連結： http://bit.ly/2Bjdyhe ）。

而久未蒲頭嘅溫流日前出現喺SM事務所官方Youtube頻道，即時引起網民及粉絲不滿，事關溫流喺性騷擾事件發生後，一直未有公開道歉，故此當時就惹來粉絲炮轟。

唔知溫流係唔係擔心復出無期，所以噚晚佢終於親自回應事件，並於SHINee官網公開親筆信，為今年8月嘅性騷擾風波進行咗公開道歉。溫流表示喺4個月來佢一直為事件反思，知道事件令到粉絲好失望，因為呢幾個月以來都唔知應該點樣道歉，所以先會等事件過去咗四個月後先公開道歉。

溫流強調自己今後會時刻反省事件，亦會嚴格要求自己，無論喺工作定生活上，都會令自己成為同SHINee組合匹配嘅人。

更多韓流，喺晒《娛果》
http://fb.com/appledailyent