【新增動新聞】

全場完。中國雖然在下半場有鄭智被逐，但10人應戰下仍靠武磊的入球反勝卡塔爾2:1。不過，因同組的敘利亞及烏茲別克，在同日都分別在南韓及伊朗身上搶得1分，最後由敘利亞成功得到此組第3名，獲得附加賽資格，而中國則排尾2出局，再次緣盡世盃決賽周。

【卡塔爾1:2中國】
83分鐘，中國由武磊12碼點抽射入網，反超前2:1。不過，就算中國勝出，暫仍1分落後給與南韓仍互交白卷、排第3位的烏茲別克。

【卡塔爾1:1中國】
81分鐘，鄭智拉跌單刀的阿費夫，紅牌離場，國足10人應戰。

【卡塔爾1:1中國】
79分鐘，卡塔爾的阿爾莫薩阿里在禁區左路起腳，皮球已過曾誠頭，但擊中柱後彈出。

【卡塔爾1:1中國】
74分鐘，中國扳成1:1，肖智接應姜至鵬右路傳中，門前鏟入。

【卡塔爾1:0中國】
70分鐘，姜至鵬左路無人看管窩利射門，勁度雖足，但未能中框斜出。

【卡塔爾1:0中國】
67分鐘，肖智頭槌攻門又頂斜，柱邊出界。

【卡塔爾1:0中國】
65分鐘，中國第二個調動，蒿俊閔入替李學鵬，踢少一名後衛加強進攻。

【卡塔爾1:0中國】
63分鐘，後備上陣的武磊右路起腳笠卡塔爾門將，被對方及時單手托高出底線。

【卡塔爾1:0中國】
54分鐘，卡塔爾再來反擊，阿費夫入禁區起腳，被曾誠僅僅擋出。

【卡塔爾1:0中國】
47分鐘，卡塔爾領先1:0，阿爾莫薩阿里從右路傳入禁區，阿費夫輕鬆射入。

00:02
下半場開波！

23:50更新
半場完。中國暫時與卡塔爾交白卷，而同組另外兩場比賽，南韓也作客烏茲別克踢成0:0完半場，而敘利亞則在領先下被伊朗完半場前追和1:1，意即敘利亞、烏茲別克及中國與開賽前一樣位置不變，分列第三、第四及第五位，假如全場比數也沒有變，敘利亞將可獲得A組的附加賽資格。

【卡塔爾0:0中國】
43分鐘，國足右路進攻，肖智頭槌迎頂高空球變二傳，于漢超後上殺入禁區射遠柱，皮球又柱邊出界。

【卡塔爾0:0中國】
37分鐘，卡塔爾差點可開紀錄，阿爾莫薩阿里接應隊友直傳入禁區，在兩名中國守衛夾擊下仍可入楔快射，皮球已過曾誠，但在右邊門柱略過。

【卡塔爾0:0中國】
32分鐘，卡塔爾的穆哈塔爾在右路控球後，不傳中反選擇勁射，被曾誠雙拳打出底線。

【卡塔爾0:0中國】
20分鐘，郜林左路橫傳，門前的肖智走前一步，未能接應到皮球。

【卡塔爾0:0中國】
13分鐘，郜林禁區內轉身抽射，被卡塔爾門將撲出。另一邊廂，與國足爭出線的敘利亞，已作客1:0領先一早出線的伊朗，亦令南韓暫跌落第3位。

【卡塔爾0:0中國】
7分鐘，鄭智禁區頂起腳，被卡塔爾門將托高出底線。

23:00更新
中國作客卡塔爾的關鍵生死戰開波！

22:30更新
http://bit.ly/2wEd7No
【世盃外】國足遠征卡塔爾 改打4-4-2求突圍
2018年俄羅斯世界盃外圍賽亞洲區第三輪A組上演「生死大戰」，瀕臨出局的中國隊即將作客迎戰卡塔爾，賽事於香港時間今晚11時上演。國足公布正選陣容，曾誠續任正選門將，4人後為李學鵬、馮瀟霆、張琳芃以及任航，中場則為趙旭日、鄭智、張稀哲及于漢超，前鋒則以郜林、肖智掛帥。

國足正選陣容
門將：曾誠
後衛：李學鵬、馮瀟霆、任航、張琳芃
中場：趙旭日、鄭智、張稀哲、于漢超
前鋒：郜林、肖智
-------------

【新增內容】
北京國際關係學院教授殷儲指今晚中國贏梗，球迷都似乎對佢好有信心，國足客W尋晚一開飛，有2.25倍，到今日6:00pm，客w只得1.8倍，回報率足足少3成。

對於卡塔爾派遣年輕球員應戰，國足教練納比說：「不能因為對手用年輕球就掉以輕心，年輕球員充滿活力，也沒有壓力，可以毫無保留比賽。己隊必先做好自己，打好部署。」納比今仗預期變陣出擊，趙旭日料擔任正選，配合老將鄭智任雙防中，前線起用肖智及武磊雙箭頭。足協亦發放新海報，題為：你戰鬥到底，我相伴到底。

------------

中國要踢下屆世界盃，今晚首先要喺世盃外亞洲區12強賽A組煞科戰作客贏卡塔爾，然後望天打卦烏茲別克同敘利亞輸波，再計得失球先有機會升上第三名踢附加賽。淨係形容都要咁長，證明機會都幾低啦，不過位於北京嘅國際關係學院教授殷儲就話中國肯肯定可以出線：「比賽背後有資本、政治、國際關係，足球唔係靠踢嘅。」

呢位教授講好多理論，首先話卡塔爾會放水畀中國：「比賽會比我哋想像中輕鬆好多，卡塔爾只會用60-80%力量，大家都係人，本來就冇乜希望，大可以做個順水人情。」

然後，殷教授仲話烏茲別克（主場對南韓）同敘利亞（作客對伊朗）輸波就基本：「南韓贏波對自己有好處，而且中國會欠南韓一個大人情，一高興隨時中超開放亞援名額，咁南韓球員咪有錢搵。伊朗同敘利亞冇錯係關係好，但伊朗有求於中國，因為特朗普上台後伊朗喺核問題有好大壓力，冇中國支持唔掂，而且中國嘅獨特影響力下，伊朗一定贏。」

仲未夠呀，殷教授分析埋中國喺附加賽都會贏：「如果對沙特阿拉伯，我覺得基本就打入世盃，因為實力本來都夠踢，背後再做啲工夫就掂，然後打加勒比海區球隊，國際足協一定全力幫中國出線，淨係轉播權、市場同遊客已經不得了。你話巴拿馬定中國踢世盃緊要啲？巴拿馬入100次都冇中國入一次咁緊要，足球就係生意。」

而且，吹水吹到唔知去咗邊嘅殷教授特登踩一踩香港隊：「東南亞球隊特別鍾意放水，為咗盤口，連0:0和香港都可以做得出，但係伊朗、南韓呢啲大國就講尊嚴，波斯人係千年文明國家，唔會好似阿拉伯人咁冇乜國家榮譽感。」