李嘉誠出席業績會，「你話我公司現在嘅規模，同埋個支柱行緊邊條路，大家我哋同事，唔止我地呢度三個，咁多位都係我哋高層嘅董事同埋行政人員，根本已經全部有晒計劃，個計劃唔止係今日，五年後、十年後。

第二地產市道，同埋我哋香港人，係咪要一路不停咁去爭買貴嘅屋呢？假如一個人，佢已經有足夠嘅錢，買咗嚟分期付款，佢已經有把握，咁拎去自住絕對冇問題，將來或者有乜嘢意料唔到，令樓價跌落去，佢反正自己住，有咩關係？

所以呢個問題，就係我一直所講，買嚟自住嘅冇問題，你只要計你分期付款度Afford得到，當然可能未來利息會加上去，但係我睇唔出會加到離離譜譜，唔會！你話加，2%至3%已經不得了架啦，我自己睇法。」

蘋果財經，關心你飯碗
http://fb.com/appledailyatm