【李八方online】娥特周日啟程訪京 列席人大兼見京官
李八方林鄭人大
林鄭月娥周日啟程訪京,除咗列席人大開幕,仲會同內地官員見面。蘋果日報
北京人大兩會即將召開,特首林鄭月娥都按慣例,以特首身身列席人大開幕。政府發出新聞稿喎,娥特會喺星期日至下周三訪問北京,列席下周一舉行嘅第十三屆全國人民代表大會第一次會議嘅開幕儀式。訪京期間,佢亦會同內地官員會面以及進行參觀訪問活動,隨行嘅有政制及內地事務局局長聶德權,以及特首辦主任陳國基。娥特離港期間,政務司司長張建宗會署任特首。
呢次兩會撞正立法會3.11補選,建制派之前為此嘈到拆天,但最後補選冇改期,唯有佢哋遷就,喺會期中段返港投票啦!但又咪以為,個個都真係會返港投票喎,據聞部份港區人大同政協唔多想返嚟投票,主要覺得民主派贏面大,唔爭在佢嗰一票,無謂來去匆匆咁頻樸。唔知西環最後會唔會發功,以就係爭你嗰一票,嚴正吹雞叫大家歸隊?
立會補選新聞,《蘋果》一網睇晒
https://hk.feature.appledaily.com/legco2018/