余香凝今日到新城電台接受訪問，談到入圍香港電影金像獎最佳女主角及最佳女配角提名，她說：「入圍已經係好大嘅肯定，你問我有無信心？余香凝同其他對手比，佢哋實在太強。」

余香凝大讚電影《三夫》女主角曾美慧孜的演技，坦言如果有喜愛的劇本，亦不介意全裸演出：「佢嘅演技好犀利，要演輕度智障，又要增肥，唔係除衫就得。如果遇到好喜歡嘅劇本，我唔介意，不過我連床戲都未試過，真係要拍嘅話，應該都會驚同緊張。但係我諗應承咗都會拍，如果演嘅時候有後顧之憂，觀眾會睇得出。」

余香凝自嘲太高，入行以來沒有拍過愛情片：「一係就同女仔，一係結咗婚有個細路，一係準備離婚，同老公冇乜感情。我都想拍下愛情嘢，嚟緊4月應該有機會，不過詳情唔講住。」

此外，黎曉陽今天亦到新城宣傳新歌《Ride Along》，早前他透露有意舉辦音樂會：「今次有得坐，大家可以舒舒服服睇騷，目標係比較close嘅場地，不過要出咗碟先，可能要年尾或明年年頭。」他表示去年沒有推出新歌，因此儲起了很多新歌準備推出：「而家排緊啲次序，又要拍MV，今次有啲歌搵咗前輩幫我寫，邊個就唔好講住啦，到時你哋就知。」

黎曉陽透露喜歡較奇怪的曲風，希望於音樂會上可以「自娛」下：「我鍾意印度、蒙古嗰啲音樂，好想可以去當地感受下，佢哋嘅音樂好注重頻率，同平時嘅音樂好唔同。」至於他的感情生活，黎曉陽說：「冇乜嘢好講，都唔係好相信愛情，生活唔係成日都好開心，好彩有音樂陪伴。」

精選娛聞，喺晒《娛果》
http://fb.com/appledailyent

第二屆最港電影大獎投票網址
https://bit.ly/thekongestfilmawards2018

10萬蚊 100人分！
星期一至五晚上10點半
《動腦Q》Let's Q the money！
http://bit.ly/2QW8LcI