代表公務員板塊出戰立法會選舉的高天賜成功連任，他對自己高票當選感慶幸，認為多了年輕人票源是勝出的關鍵，「梗係開心啦，喺24個組別之中能夠勝出，同埋多咗票，超越咗好多個對手。」提及名單中的2號候選人梁榮仔未能成功連任，高天賜直指感到可惜，「今次係損失咗一個（議席），不過我哋會捲土重來，四年後攞返個議席返嚟。」高天賜稱未來4年議會工作會專心於提案上，「大部份保皇黨議員係唔希望自己提案，因為會得罪特區政府。」

高天賜透露在宣傳期落區派單張期間，發現不少澳門青少年皆政治冷感，10個學生中8個都不會接過單張。他認為澳門教育制度未有向學生傳授正確的政治觀念，令社團容易干預學生思維，「最差就係幼兒班，我啲候選人嘅仔女書包入面，竟然有某個傳統派別嘅宣傳單張，呢啲歪曲思維由咁細個就灌輸畀細蚊仔，我覺得（問題）係好嚴重。」

對於有廉政專員指「免費早餐」並不構成賄選，高天賜反駁指其說法不當，認為該做法應屬賄選，「當初選管會講得好清楚任何嘅交收利益都唔可以，咁而家又話可以，咁你噏曬啦」。高天賜指選管會於競選宣傳期間的工作不及格，認為當局未能實現當初所提倡的廉潔選舉。